Dicter ymhlith y cyhoedd am y cynlluniau i gau Ysbyty Llanfrechfra Grange

Disgrifiad

Toriad papur newydd a oedd yn disgrifio'r dicter ymhlith y cyhoedd am y cynlluniau i gau Ysbyty Llanfrechfra Grange. Cychwynnwyd y cynlluniau ar [dyddiad] ac yn yr un modd â nifer o gymunedau ar draws Cymru; bu pobl leol yn protestio am y syniad o adsefydlu. Bu'r grwpiau yng Nghwmbrân, megis Cymdeithas Preswylwyr, Perthnasau a Chefnogwyr Llanfrechfra Grange a RAGE yn gwrthwynebu'r syniad mewn ffordd weithredol, ac roeddent ymhlith y gwrthwynebiad mwyaf i'r cynigion yng Nghymru. Mae'r rhesymau dros hyn yn gymhleth ac yn ddealladwy. Roedd nifer o rieni wedi rhoi eu hymddiriedaeth lwyr mewn system, a awgrymwyd, fel y lle mwyaf diogel i'w meibion a'u merched dreulio'u bywydau, i ffwrdd o ragfarn cymdeithasau ehangach. Roedd adsefydlu a'r cynnig i gau'r ysbyty, yn enwedig yn dilyn adroddiadau am gyfleusterau eraill yng Nghymru, megis Trelái, wedi troi hyn ar ei ben, gan orfodi nifer o rieni i ystyried y ffaith nad oedd yr ysbytai hyn wedi cynnig yr hafan ddiogel yr oeddent wedi dychmygu y byddent yn eu cynnig efallai. Yn ogystal, mynegwyd pryderon am anghenion penodol nifer o breswylwyr, ac ynghylch sut y byddai modd bodloni'r rhain yn y dewisiadau amgen i ysbytai lle y byddai pobl yn aros am gyfnod hir.