Mae sylfaen y groes yn hynafol, ond cafodd y rhan uchaf ei hychwanegu yn 1911 gan Owen Williams, crefftwr a saer maen lleol adnabyddus. Yn gynnar yn y bedwaredd ganrif ar bymtheg byddai gorymdeithau angladdau yn cerdded o'i hamgylch dair gwaith, a bydd pobl yn gwneud hynny o hyd fel rhan o'r Tro Cyffredin (Common Walk).

Yn lleol caiff yr enw Grist ei ynganu fel ei fod oyn odli gyda 'Crist', ond nid yw'n eglur beth oedd tarddiad yr enw, ac mae'n rhywbeth sydd wedi achosi cryn drafod.