Cynhwysion

• darn o eog (tua phwys)
• pupur a halen
• ymenyn
• dŵr
• ffenigl  (neu finegr yn ôl y dewis)

Dull

• Rhoi dŵr ac ychydig o ffenigl ynddo yn rhan isaf sosban ddwbl ; blasu’r eog â phupur a halen, rhoi talp neu ddau o ymenyn ar ei wyneb a’i roi yn rhan uchaf y sosban.
• Berwi’r dŵr a gadael i’r eog goginio yn yr ager o’i gwmpas am rhyw bymtheng munud, yn ôl maint y darn.
• Onid oes sosban ddwbl ar gael gellir rhoi’r eog mewn dysgl bridd neu ar blât enamel wedi’i iro  ag ymenyn.
• Rhoi’r ddysgl neu’r plât i orffwys ar wyneb sosban â dŵr berw ynddi.
• Gorchuddio’r eog â chaead y sosban a mud-ferwi’r dŵr am ryw bymtheng munud fel y bo’r eog yn coginio’n raddol yn yr ager sy’n codi o’r dŵr.

Yr oedd go-ferwi neu ageru eog yn ddull addas iawn o’i goginio pan fyddai claf yn dioddef oddi wrth unrhyw anhwylder ar y cylla.

Llandysul, Aberteifi.