Cynhwysion

• dau neu dri macrell
• tri neu bedwar nionyn
• tri llond llwy fwrdd o finegr gwyn
• deilen lawryf 
• ychydig o arlleg
• ychydig o olew olewydden

Dull

• Glanhau’r mecryll yn y dull arferol a’u ffrio’n drwyadl.
• Tynnu’r croen a’r esgyrn ymaith.
• I wneud y saws, tafellu’r nionod a’u ffrio yn yr olew nes iddynt gochi, ynghyd â’r deilen lawryf a’r garlleg.
• Yna gadael i’r cyfan oeri cyn ychwanegu’r finegr atynt.
• Rhoi’r mecryll mewn dysgl ar ôl iddynt oeri a thywallt y saws drostynt.

Yr oedd hwn yn bryd blasus i swper yn ystod misoedd yr haf.

Cricieth, Caernarfon.