Cynhwysion

• cocos
• dŵr a halen
• dyrnaid  o flawd ceirch
• pupur a halen
• saws gwyn (wedi’i wneud o flaen llaw)
• caws neu grwst brau 

Dull

• Rhoi’r cocos mewn dŵr a halen dros nos ac ychwanegu’r blawd ceirch atynt. (Y mae’r blawd ceirch yn helpu i lanhau’r cocos.)
• Drannoeth, berwi’r cocos mewn dŵr glân nes gwelir bod y cregyn wedi agor.
• Yna tynnu’r cocos allan o’u cregyn a’u rhoi mewn dysgl, eu blasu â phupur a halen, a’u gorchuddio â saws gwyn.
• Rhoi haen drwchus o gaws wedi’i falu ar wyneb y saws neu orchuddio’r cyfan â haen o grwst brau.
• Crasu’r bastai mewn ffwrn boeth nes gwelir bod ei hwyneb wedi cochi.

De Penfro.