Cynhwysion

• llygaid y graig 
• darnau bach o gig gwyn mochyn
• blaen cenhinen wedi’i thorri’n ddarnau bach (heb gynnwys y dail)
• crwst brau

Dull

• Berwi’r ‘llygaid’ yn eu cregyn am ryw hanner awr i’w breuhau.
• Yna eu tynnu allan o’r cregyn, eu golchi’n lân a’u torri’n chwarteri.
• Rhoi haen o grwst brau ar blât dwfn a’i orchuddio â’r llygaid gyda’r darnau cig gwyn a’r cennin ar eu hwyneb.
• Blasu’r cyfan â phupur a halen a’u gorchuddio â haen arall o grwst.
• Crasu’r darten mewn ffwrn boeth am yr hanner awr gyntaf a’i chadw mewn ffwrn weddol boeth am hanner awr arall.

Bwyteid y darten hon yn gynnes i ginio neu swper fel rheol.

Aber-porth, Aberteifi.