Cynhwysion

• gwymon y môr (dail duon, tenau)
• halen
• blawd ceirch

Dull

• Golchi’r gwymon yn drwyadl mewn dŵr oer, ei roi mewn sosban a’i ferwi’n araf am rai oriau.
• Nid oes angen rhoi dŵr yn y sosban gan fod digon o ddŵr yn y dail eu hunain.
• Pan welir bod y dail wedi meddalu, hidlo’r dŵr ohonynt yn llwyr, eu malu’n fân â chyllell a’u blasu â halen.
• Llunio’r cymysgedd hwn yn beli bach a’u gorchuddio ag ychydig o flawd ceirch.

Rhydlewis, Aberteifi.

Berwid y gwymon mewn ychydig o ddŵr a finegr mewn rhai ardaloedd, e.e. De Penfro.

Y dull mwyaf cyffredin o goginio bara lawr yn siroedd de Cymru yw ei ffrio gyda chig moch.