Cynhwysion

• deg owns o flawd codi
• pum owns o ymenyn
• pum owns o siwgr coch bras
• pwys o afalau
• ychydig o laeth

Dull

• Rhwbio’r ymenyn i mewn i’r blawd, ac ychwanegu’r afalau (wedi’u torri’n ddarnau bach) a’r siwgr atynt.
• Gwlychu’r defnyddiau â llaeth nes cael cymysgedd gweddol sych.
• Iro tun bas a rhoi’r cymysgedd ynddo i’w grasu mewn ffwrn weddol boeth am ryw hanner awr.

Yr Eglwys Newydd, Morgannwg.

Cresid y cymysgedd hwn mewn ffwrn dun o flaen y tân mewn rhai ardaloedd ym Morgannwg.