Teisen Reis

Disgrifiad

Cynhwysion

• dau lond cwpan o reis


• ychydig o halen


• dŵr


• pwys o flawd plaen


• hanner pwys o ymenyn


• llond llwy de o bowdr codi


• pedwar wy


• llaeth


• siwgr – yn ôl y dewis


• ychydig o nytmeg

Dull

• Berwi’r reis mewn dŵr a halen nes bod y reis wedi digoni a’r dŵr wedi sychu.


• Rhwbio’r ymenyn i mewn i’r blawd ac ychwanegu’r reis atynt ynghyd â’r defnyddiau sych eraill.


• Eu gwlychu â’r wyau a’r llefrith nes cael cymysgedd o ansawdd cytew ysgafn.


• Iro tun bas a thywallt y cymysgedd iddo.

Mewn ffwrn dun o flaen y tân y cresid y deisen hon ond gellir rhoi cynnig ar ei chrasu heddiw mewn tun, naill ai o dan gridyll ffwrn nwy neu drydan gan gadw’r deisen yn ddigon isel o dano, neu mewn ffwrn weddol boeth.

Nantgarw, Morgannwg.