Teisen Te Deg

Disgrifiad

Cynhwysion

• hanner pwys o flawd plaen


• tair owns o siwgr


• dwy owns o ymenyn


• dwy owns o lard


• un wy


• hanner llond cwpan o laeth


• hanner llond llwy de o halen


• hanner llond llwy de o bowdr codi

Dull

• Curo’r saim a’r siwgr gyda’i gilydd, torri’r wy iddynt a’u curo drachefn.


• Ychwanegu’r blawd a’r halen a’r powdr codi atynt yn raddol, a’u gwlychu â’r llaeth nes cael cymysgedd o’r un ansawdd â chymysgedd teisen gyffredin. (Gellir rhoi dyrnaid o gyrens ynddo, yn ôl y dewis.)


• Iro tun ymyl-uchel, rhoi’r hyn a ddarparwyd ynddo, a’i grasu mewn ffwrn weddol boeth am awr.

Paratoid y deisen hon i’w bwyta gyda chwpaned o de ar ganol y bore yn ardal Llanbedr Pont Steffan.

Llanbedr Pont Steffan, Aberteifi.