Cynhwysion

• dwy owns o ymenyn
• dwy owns o siwgr
• dwy owns o gyrens
• hanner pwys o flawd
• ychydig o halen
• llefrith

Dull

• Rhwbio’r ymenyn i mewn i’r blawd ac ychwanegu’r defnyddiau sych eraill atynt.
• Gwlychu’r defnyddiau hyn yn raddol â llefrith nes cael cymysgedd gweddol wlyb.
• Iro tun ymyl-isel, rhoi’r cymysgedd ynddo a’i grasu mewn popty gweddol boeth.

Y mae modd crasu’r deisen hon yn araf ar y radell ond dylid cadw’r cymysgedd yn weddol sych ar gyfer gwneud hynny. Gellir hollti’r deisen radell pan fo’n boeth a rhoi ymenyn arni.

Môn.