Cynhwysion

• hanner pwys o flawd plaen
• dwy owns a hanner o ymenyn
• pedair owns o ffrwythau cymysg
• llond llwy fwrdd o driog du
• dau llond llwy fwrdd o siwgr
• ychydig o sbeis
• llefrith neu laeth enwyn

Dull

• Rhwbio’r ymenyn i’r blawd, ychwanegu’r defnyddiau sych eraill atynt a’u gwlychu â’r llefrith a’r triog.
• Ni ddylai’r cymysgedd fod yn rhy wlyb.
• Iro plât enamel, rhoi’r cymysgedd arno a’i grasu mewn popty gweddol boeth am ryw awr.

Enw arall ar y deisen hon ar Ynys Enlli oedd ‘tamad’ – teisen gyffredin a fwyteid yno i de prynhawn.

Ynys Enlli.