Cynhwysion

chwarter peint o laeth enwyn
chwarter peint o lefrith

Dull

Rhoi’r llaeth enwyn oer mewn dysgl neu gwpan, a thywallt llefrith berw arno.
O dywallt y llefrith yn weddol gyflym fe dyrr y ddeulaeth yn ‘gaws a gleision’.

Llanfachreth, Môn.

Byddid yn rhoi sinsir yn y posel a’i yfed yn boeth wrth fynd i’r gwely er mwyn gwella annwyd.
Pennant, Trefaldwyn.

Weithiau, ychwanegid triog du at y llaeth enwyn a’r llefrith i wneud posel triog.
Dyffryn Ardudwy, Meirionnydd.