Cynhwysion

• torth geirch heb saim ynddi
• potes cig eidion
• pupur a halen

Dull

• Malu’r dorth geirch yn fân â malwr bara ceirch  neu rolbren, a’i roi mewn powlen.
• Tywallt potes poeth arno a’i flasu â phupur a halen.
• Ei adael i chwyddo am rai munudau cyn ei fwyta.

Uwchmynydd, Llŷn.

Arferid ei fwyta’n rheolaidd i frecwast bob dydd Sul a dydd Mercher yn Llŷn.

Brwes trodnoeth neu brwes pig tegell y gelwid yr hwn a baratoid drwy roi ychydig o saim ar wyneb y bara ceirch a thywallt dŵr berw arno.

Dyffryn Ardudwy, Meirionnydd.