Cynhwysion

• tua peint o laeth di-hufen
• llond llwy fwrdd o flawd ceirch
• ychydig o ddŵr oer
• ychydig o halen

Dull

• Cymysgu’r blawd ceirch â’r dŵr oer nes eu bod yn llyfn.
• Berwi’r llaeth, arllwys y cymysgedd blawd ceirch iddo a’i godi i’r berw drachefn.
• Yna rhoi ychydig o halen ynddo.

Bwyteid hwn i frecwast neu i swper fel rheol.

Rhydlewis, Aberteifi.

‘Potes llaeth’ y gelwid y bwyd hwn ym Môn, ac fe’i tywelltid ar fara mewn powlen, e.e. Llanfachreth, Môn.

Arferid yr enw ‘twym llaeth’ ar yr un bwyd yn sir Gaerfyrddin, e.e.

Caeo, Caerfyrddin.