Cynhwysion

• llond dysgl o flawd sucan – neu flawd ceirch
• chwart o ddŵr claear

Dull

• Rhoi’r blawd sucan yn wlych yn y dŵr claear dros nos.
• Yna ei hidlo drwy ogr mân gan ychwanegu ychydig o ddŵr ato os bydd y trwyth yn rhy dew.
• Berwi’r trwyth mewn sosban a’i droi’n ddibaid am ryw bum munud.
• Malu bara i ddysgl a thywallt y bwdram arno.

Rhydlewis, Aberteifi.

‘Roedd hwn yn fwyd cyffredin ar gyfer swper mewn rhai ardaloedd a cheir tystiolaeth fod bwdram ac ysgadan ffres yn bryd arbennig yn ardal Aber-porth ar yr un adeg, e.e. Brynhoffnant, Aberteifi.

‘Roedd bwdram yn cael ei roi yn fwyd i’r fam ar ôl iddi eni plentyn; rhoid siwgr, ymenyn a sinsir ynddo i’w flasu.

Cwm-bach, Caerfyrddin.