Cynhwysion

• *blawd ceirch
• dŵr oer
• llefrith oer
• halen a siwgr

Dull

• Rhoi mesur o flawd ceirch mewn llestr pridd, tywallt dŵr oer arno a’i adael yn wlych dros nos.
• Yna hidlo’r trwyth i sosban a’i godi i’r berw cyn ychwanegu llefrith oer ato a’i ferwi drachefn.
• Ei flasu â halen a siwgr cyn ei fwyta.
• neu
• Gogryn y blawd ceirch, tywallt llefrith arno a’i ferwi am ryw ddeng munud.
• Ei flasu â halen a siwgr.

Dyffryn Ardudwy, Meirionnydd.

‘Roedd hwn yn cael ei gyfrif yn fwyd ysgafn a maethlon, ac yn addas i’w roi i’r claf. Rhoid ef yn fwyd i’r fam hithau ar ôl geni plentyn gan fod rhinwedd ynddo i’w helpu i fagu llaeth ar gyfer baban sugno.

Banwy Uchaf, Trefaldwyn.

*Ni fyddid yn pwyso nac yn mesur y defnyddiau hyn; yn hytrach, gweithredid yn ôl profiad a chwaeth bersonol.