Pica Bach

Disgrifiad

Cynhwysion

wyth owns o flawd codi
pedair owns o ymenyn
pedair owns o siwgr
owns o gyrens
ychydig o halen
hanner llond llwy de o sbeis cymysg
un wy wedi’i guro


Dull

Gogryn y blawd, yr halen a’r sbeis i ddysgl, rhwbio’r ymenyn i mewn iddynt, ac ychwanegu’r siwgr atynt.
Gwlychu’r defnyddiau hyn â’r wy nes cael toes gweddol sych.
Rhannu’r toes yn ddau ddarn cyfartal a gweithio’r cyrens i mewn i un ohonynt yn unig.
Wedyn, gyrru’r ddau fath o does, ar wahân, i ryw chwarter modfedd o drwch a’u torri’n deisennau bach, crwn.
Cynhesu’r maen a chrasu’r teisennau arno am ryw ddwy funud bob ochr.
Hollti’r teisennau plaen drwy’u canol, os dymunir, taenu jam arnynt a’u bwyta’n gynnes.
Hefyd, gellir llunio un dorth fawr gron o’r toes plaen a’i chrasu, yn yr un modd, ar y maen.
Yna ei hollti drwy’r canol, a thaenu trwch o afalau wedi’u coginio a siwgr brown arni.
Rhoi’r ddau hanner yn ôl ar ei gilydd, taenu ychydig o siwgr ar yr wyneb uchaf, a thorri’r deisen yn ddarnau bach, sgwâr.

Pont-y-clun, Morgannwg.