Cacen Gneifio neu Ddyrnu

Disgrifiad

Cynhwysion

• tri llond cwpan mawr o flawd plaen


• hanner pwys o siwgr


• hanner pwys o doddion cig moch


• blaen llwy de o soda pobi wedi’i gymysgu mewn ychydig o ddŵr cynnes a llaeth enwyn


• pwys o ffrwythau sych (cyrens a resins)


• dau neu dri wy


• llaeth enwyn

Dull

• Rhwbio’r lard i’r blawd a chymysgu’r defnyddiau sych eraill drwyddynt.


• Curo’r wyau a’u tywallt i bant yng nghanol y blawd ynghyd â’r soda pobi.


• Cymysgu’r defnyddiau’n dda gan ychwanegu llaeth enwyn yn ôl y galw nes cael cymysgedd cymharol wlyb.


• Iro tun ymyl-uchel, rhoi’r cymysgedd ynddo a’i grasu mewn popty gweddol boeth am ryw awr a hanner.

Llanerfyl, Maldwyn.