Cynhwysion

• peint o hufen sur
• pedwar llond llwy fwrdd o flawd codi
• pedair owns o siwgr
• tair owns o ymenyn
• pedair owns o syltanas
• un wy

Dull

• Rhwbio’r ymenyn i’r blawd a’u cymysgu i mewn i’r hufen sur ynghyd â’r defnyddiau eraill.
• Curo’r wy’n dda a’i ychwanegu at y cymysgedd uchod ar y funud olaf cyn arllwys y cyfan i dun bas.

Mewn ffwrn dun o flaen y tân y cresid y deisen hon gynt. Cymerai tua awr a chwarter i’w chrasu’n araf o flaen tân coch. Nid oedd angen ei throi, ac ni ddylid ei bwyta am ddiwrnod ar ô lei chrasu.

Gellir arbrofi heddiw drwy ei chrasu’n araf mewn tun o dan ridyll ffwrn nwy neu drydan, neu mewn ffwrn isel ei gwres.

Mynydd Cynffig, Morgannwg.

Teisen hufen oedd yr enw a roid ar y deisen hon mewn rhai ardaloedd ym Morgannwg.