Medd (Môn)

Disgrifiad

Cynhwysion

owns o hopys sych
pedwar pwys o fêl (newydd ei dynnu o’r cwch gwenyn)
dau alwyn o ddŵr
owns o furum wedi’i daenu ar dost


Dull

Tywallt y dŵr dros y mêl a’r hopys a’u berwi’n araf am awr.
Yna hidlo’r trwyth i badell a’i adael i glaearu cyn rhoi’r burum ar ei wyneb.
Cymysgu’r trwyth yn dda fore trannoeth a thynnu’r tost allan ohono.
Gorchuddio’r badell â lliain a’i rhoi o’r neilltu am bum niwrnod cyn hidlo’r trwyth drachefn, a’i roi mewn poteli.
Gadael i’r burum orffen ‘gweithio’ cyn rhoi corcyn yn dynn yng ngeg pob potel.
Dylid cadw’r medd am flwyddyn cyn ei yfed.

Llanfachreth, Môn.