Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Cynhwysion

pedwar peint o eirin ysgawen
galwyn o ddŵr oer
tri chwarter pwys o siwgr ar gyfer pob chwart o’r trwyth
dau owns o furum wedi’i daenu ar dost
tair owns o glows mewn cwd mwslin


Dull

Arllwys y dŵr dros yr eirin a’u berwi am hanner awr cyn ychwanegu’r siwgr a’r clows atynt.
Berwi’r cyfan am bymtheng munud eto.
Hidlo’r trwyth hwn i badell bridd a’i adael i glaearu hyd at naws gwaed cyn rhoi’r burum ar dost ar ei wyneb.
Tynnu’r tost allan drannoeth a gadael y gwin i ‘weithio’ am bum niwrnod, gan godi’r hyn a ddaw i’r wyneb fel y bo angen.
Yna arllwys y gwin i boteli.
Bydd y gwin yn dal i ‘weithio’ a gorlifo dros y poteli, a gwelir bod angen eu hail-lenwi bob hyn a hyn. (Defnyddir cynnwys un botel i lenwi’r lleill.)
Rhoi’r corcyn yn llac yng ngheg pob potel, a’u tynhau ymhen rhyw fis o amser pan welir bod y gwin wedi tawelu.

Pontyberem, Caerfyrddin.

Oes gennych chi wybodaeth ychwanegol am yr eitem hon? Gadewch sylwad isod

Sylwadau (0)

Rhaid mewngofnodi i bostio sylw