Cynhwysion

• cwningen
• hanner pwys o gig moch
• moron
• meipen
• dau neu dri nionyn
• owns o flawd
• ychydig o bersli wedi’i falu’n fân
• ychydig o saim
• pupur a halen

Dull

• Glanhau’r wningen yn y dull arferol, ei datgymalu a’i thorri’n ddarnau hwylus.
• Torri’r cig moch a’r llysiau yn ddarnau bach cymedrol eu maint.
• Rhoi’r defnyddiau hyn i gyd mewn sosban fawr, eu blasu â phupur a halen a phersli, eu gorchuddio â dŵr, a’u mud-ferwi’n araf am ryw awr a hanner.
• Cymysgu’r blawd ag ychydig o ddŵr oer, ei dywallt i’r stiw a’i ferwi eto am ychydig o funudau.

Llŷn.