Cynhwysion

• cwningen
• llond cwpan o isgell
• ychydig o bersli, teim a deilen llorwydden
• darnau bach o gig moch
• toddion cig moch
• corbys wedi’u berwi mewn dŵr

Dull

• Glanhau’r wningen yn y dull arferol, ei datgymalu a’i thorri’n ddarnau hwylus i’w ffrio mewn toddion cig moch.
• Ar ôl i’r cig gochi rhyw gymaint, ychwanegu’r darnau cig mocha ato, eu blasu â’r persli a’r teim a’r ddeilen llorwydden a thywallt yr isgell drostynt.
• Rhoi clawr ar wyneb y badell ffrio a mud-ferwi’r defnyddiau nes i’r cig ddigoni.
• Gyrru’r corbys ac arllwys y dŵr y berwid hwy ynddo drwy ogr mân i sosban.
• Ychwanegu’r gwlybwr a fydd ar ôl yn y badell ffrio ar ôl codi’r cig allan ohoni at sylwedd y corbys.
• Ei ferwi nes y bo’n tewhau a’i dywallt dros y cig.
• Ei fwyta gyda thatws a maip.

Bro Gŵyr.