Pwdin Pys

Disgrifiad

Cynhwysion

• hanner pwys o bys hollt


• un wy


• ychydig o ymenyn a siwgr


• pupur a halen

Dull

• Golchi’r pys yn drwyadl a’u rhoi’n wlych mewn dŵr oer dros nos.


• Eu rhoi mewn cwdyn lliain, a’i glymu’n dynn gan adael lle i’r pwys chwyddo ynddo.


• Rhoi’r cwdyn mewn sosban, ei orchuddio â dŵr berwedig ac ychydig o halen, a’i ferwi’n gyflym am ddwy awr tra nes y bo’r pys wedi meddalu.


• Codi’r cwdyn allan o’r sosban a gwasgu’r dŵr ohono.


• Arllwys y pys o’r cwdyn a’u gyrru drwy ogr mân i ddysgl.


• Curo’r wy a’i arllwys arnynt, a’u blasu â phupur a halen, siwgr ac ymenyn.


• Cymysgu’r defnyddiau’n drwyadl am rai munudau.


• Rhoi’r cymysgedd hwn ar ddarn o liain wedi’i orchuddio â blawd, ei glymu’n dynn ar ffurf cwdyn, a’i ferwi eto am hanner awr arall.


• Troi’r pwdin allan i ddysgl gynnes, ei dafellu, a’i fwyta gyda chig eidion neu gig mochyn hallt.

Yr oedd hwn yn bryd cyffredin i ginio neu i swper ar y ffermydd yn ystod misoedd y gaeaf.
Bro Gŵyr.