Cynhwysion

• crwst brau
• dau wy
• hanner peint o laeth
• llond llwy bwdin o flawd plaen
• ychydig o halen
• dau lond llwy fwrdd o siwgr
• llond llwy bwdin o bersli wedi’i falu
• owns a hanner o gig moch gwyn

Dull

• Gyrru’r crwst yn denau a’i roi i orchuddio gwaelod ac ochrau dysgl ddofn.
• Cymysgu’r blawd ag ychydig o’r llaeth.
• Curo’r wyau’n dda mewn basn mawr, arllwys gweddill y llaeth arnynt, ac ychwanegu’r cymysgedd blawd a llaeth, yr halen, y siwgr a’r persli, a chymysgu’r cwbl yn dda.
• Arllwys y cymysgedd ar y crwst yn y ddysgl, torri’r cig moch yn ddarnau bach a’u rhoi ar yr wyneb.
• Crasu’r bastai mewn ffwrn weddol boeth am hanner awr neu nes gwelir bod y cymysgedd wedi ceulo.

Bwyteid hi’n oer gyda bara ‘menyn i de yn aml.
Bro Gŵyr.