Cynhwysion

• hanner pwys o gig moch
• pwys o iau
• nionod
• halen a phupur
• ychydig o flawd gwyn

Dull

• Torri’r iau’n dafelli, eu golchi, a’u gorchuddio ag ychydig o flawd gwyn, pupur a halen.
• Ffrio’r cig moch yn ysgafn a’i godi i ddysgl boeth.
• Rhoi’r iau a’r nionod (wedi’u torri’n fân) yn saim y cig moch, eu ffrio gyda’i gilydd a’u codi i’r un ddysgl.
• Cymysgu llond llwy fwrdd o flawd gwyn i mewn i’r saim yn y badell ffrio, tywallt ychydig o ddŵr berwedig arnynt, eu cymysgu’n dda a’u berwi am ychydig funudau i wneud grefi.
• Berwi tatws mewn sosban ar wahân.

Llŷn.
Yr oedd hwn yn bryd blasus iawn ar gyfer ‘swper chwarel’.
Rhostryfan, Caernarfon.