Cynhwysion

• darn (neu goesgyn) o gig moch hallt
• cabetsen
• tatws
• sôs persli

Dull

• Rhoi’r cig yn wlych mewn dŵr oer dros nos i dynnu peth o’r halen ohono.
• Berwi’r cig mewn sosban haearn a chadw’r dŵr y berwid ef ynddo.
• Berwi’r gabetsen yn y dŵr hwnnw, a berwi’r tatws mewn sosban ar wahân.
• Gadael i’r cig oeri.

Sôs persli
Dull

• Ychwanegu ychydig o laeth at y dŵr y berwid y tatws ynddo, rhoi talp o ymenyn ynddo a’i flasu ag ychydig o bersli wedi’i falu.
• Tewhau’r sôs ag ychydig o fflŵr wedi’i gymysgu â dŵr o flaen llaw, a’i ferwi am rai munudau.
• Arllwys y sôs dros y tatws a’r cabets ac ar sleisen neu ddwy o’r cig oer.

Ystalyfera, Morgannwg.
Yr oedd hwn yn bryd poblogaidd i ginio nos yng nghymoedd y glo yn ne Cymru.