CYNHWYSION
afu mochyn
tri nionyn
llond llwy de o saets pupur a halen
tameidiau mân o gig gwyn a geid wrth dorri’r mochyn
rhwyd mochyn
DULL
• Trochi’r afu mewn dŵr berwedig am rai munudau cyn ei dorri’n dafelli.
• Gyrru’r tafelli drwy’r malwr ynghyd â’r nionod a’r cig gwyn mân. (Y mae’r cig gwyn hwn yn rhwystro’r ffagots rhag mynd yn rhy galed.)
• Cymysgu’r defnyddiau i gyd mewn dysgl fawr a’u blasu â phupur a halen a saets.
• Torri’r rhwyd yn ddarnau bach o ryw chwe modfedd sgwâr.
• Rhoi tipyn o’r cymysgedd ymhob un o’r darnau hyn a’u lapio i wneud ffagots.
• Rhoi’r ffagots yn rhesi mewn tuniau a’u rhostio mewn ffwrn weddol boeth.
'Banwy Uchaf, Trefaldwyn.'