CYNHWYSION
pen oen
iau
dŵr
nionod halen
DULL
• Rhoi’r pen a’r iau i sefyll mewn
dŵr a halen dros nos.
• Drannoeth eu golchi’n lân a’u glanhau.
• Berwi’r pen a’r iau a’r nionod mewn sosban nes y bo’r cig yn rhyddhau oddi wrth yr esgyrn.
• Codi’r pen a’r iau allan o’r dŵr, tynnu’r cig oddi ar yr esgyrn, a thorri’r cig a’r iau yn ddarnau bychain (tua chwarter modfedd ar draws) a’u rhoi’n ôl yn y potes.
• Codi’r potes i ddysglau a’i fwyta’n gynnes.
'Rhostryfan, Caernarfon.'
‘Pinshons’ oedd yr enw ar y bwyd hwn yn ardal Bethel, sir Gaernarfon, ac fe’i paratoid ar gyfer ‘swper chwarel’ yno.