Cynhwysion

• ysgyfarnog
• moron
• tatws
• ychydig o gennin a phersli
• ychydig o halen
• llond llwy fwrdd o flawd ceirch
• galwyn a hanner o ddŵr oer

Dull

• Blingo’r ysgyfarnog a’i glanhau, ei thorri’n ddau ddarn a’u rhoi i sefyll mewn dŵr a halen dros nos.
• Rhoi’r ysgyfarnog a’r moron (wedi’u torri’n fân) mewn sosban fawr, arllwys y dŵr oer arnynt a’u codi i’r berw.
• Yna ychwanegu’r halen, y persli a’r cennin atynt.
• Cymysgu’r blawd ceirch ag ychydig o ddŵr oer a’i arllwys i’r cawl gan ferwi’r cyfan nes y bo’r cig yn dod yn rhydd oddi wrth yr esgyrn.
• Codi’r cig allan o’r cawl, ac yna rhoi’r tatws i ferwi ynddo am ryw ugain munud.
• Bwyteid y cawl, y tatws a’r cig gyda’i gilydd.

Rhydlewis, Aberteifi.