Yn y 1840au fe gomisiynwyd cyfres o fapiau i gynorthwyo gyda'r dasg o drefnu taliadau'r degwm. Mae Mapiau Degwm yn crisialu darlun o Gymru gyfan, fwy neu lai, gan roi cipolwg ar ein cenedl oedd ar fin ei thrawsnewid. Bwriad Prosiect Cynefin yn mynd ati i warchod, digideiddio ac archwilio'r mapiau hyn er mwyn sicrhau bod y drysorfa o wybodaeth sydd ynddynt ar gael i unrhyw un, ar lein, am ddim.Mae pobl a diwylliant Cymru wedi'u plethu'n dynn â'n tirwedd, ond mae ein perthynas â'r tir a'r ffordd rydym yn ei ddefnyddio wedi newid yn ddramatig ar draws y canrifoedd. Mae'r ffilm yma yn adrodd hanes newid ein diwylliant trwy gyfrwng yr enwau a roesom i leoedd a gallwn deithio'n ôl mewn amser i ddeall bywydau a phryderon pobl oedd yn byw ganrifoedd yn ôl. Fersiwn Cymraeg o'r fideo ar gael yma: https://www.youtube.com/watch?v=LQoPFSe0VHI/watch?v=84IalazkhOU