Bulla plwm y Pab Alexander IV (1254-61 OC) a ddarganfuwyd yn Abaty Tyndyrn. Seliau a ddefnyddiwyd gan y Pab i ddilysu llythyrau neu siarteri (bwl Pab) yw bullae, wedi’u cysylltu â chortyn. Nid yw’r ddogfen wreiddiol wedi goroesi. Erbyn y ddeuddegfed ganrif, roedd bullae yn gyson o ran ffurf, fel y gwelir yn yr enghraifft hon. Ar un ochr (y cefn) mae portread o’r Apostolion San Pedr (ar y dde) a Sant Paul (chwith) gyda chroes yn y canol, o dan y byrfoddau SPA SPE (ar gyfer San Pedr a Sant Paul). Mae border gleiniog yn fframio’r portreadau. Ar y tu blaen, mae arysgrif ag enw’r Pab sy’n cyhoeddi’r ddogfen: ALE XANDER PP. IIII Mae’r byrfodd PP yn cyfeirio at Papa, term arall am y Pab. Diamedr 38mm, 5mm o drwch. Rhif derbyn 32.430/4 Cyfeirnod: DH007000