Dyma ffiguryn aloi copr o’r duw Mercher (88mm o daldra), sy’n noeth heblaw am gap adeiniog a chlogyn dros ei ysgwydd a’i fraich chwith. Mae ganddo gwdyn arian yn ei law dde. Mercher yw’r duw sydd wedi’i bortreadu amlaf ym Mhrydain. Ei rôl glasurol yw honno fel negesydd ac, yn bwysicach fyth, fel noddwr masnachwyr, teithio, masnach a chrefftau. Mae cryn ôl traul ar y ffiguryn, a all awgrymu ei fod wedi’i gario mewn poced neu bwrs fel swynogl. Mae’n rhan o gasgliad o geiniogau a gwrthrychau aloi copr Rhufeinig o Lys Awel, Conwy. Rhif derbyn 81.35H/2 Cyfeirnod: DH000186