"Storïau Rygbi" 3ydd safle am farddoniaeth, Ianto Roberts, Wrecsam

Fe wnaeth llyfrgelloedd, archifau ac amgueddfeydd ymuno ag Undeb Rygbi Cymru i gynnal y gystadleuaeth ar gyfer pobl ifanc i ddathlu Cwpan Rygbi’r Byd. Daeth dros 500 o geisiadau i law, ar thema rygbi ac yn gysylltiedig â darn o ysgrifennu creadigol neu adrodd stori ddigidol.

Ymhlith y beirniaid roedd awdur Rugby Zombies, Dan Anthony a Bardd Plant Cymru, Anni Llŷn.
Meddai Dan: “Diolch i’r holl blant a beirniaid a fu’n rhan o’n gystadleuaeth; bu’n gyfle gwych i blant rannu’r hyn y mae rygbi’n ei olygu iddyn nhw yn ogystal â datblygu eu sgiliau llythrennedd a digidol. Roedd darllen a gwylio’r ceisiadau yn llawer o hwyl a thasg arbennig o anodd oedd dewis yr enillwyr a’r nesaf at y gorau – llongyfarchiadau i bawb a gymerodd ran.”

Dywedodd y Prif Weinidog Carwyn Jones:
“Mae’r arddangosiad rhagorol hwn yn ychwanegu at y cyffro wrth symud tuag at Gwpan Rygbi’r Byd ac mae’n dangos y rhan amlwg y mae Cymru wedi’i chwarae wrth ddatblygu camp sy’n wirioneddol fyd-eang. Mae’n grêt hefyd gweld llwyddiant cystadleuaeth Storïau Rygbi – mae gennym feddyliau creadigol arbennig iawn yng Nghymru ac mae’n ffantastig eu gweld yn cael llwyfan i arddangos eu doniau.”