Mae’r wisg draddodiadol Gymreig wedi ei selio ar ffrog a wisgwyd gan lawer o ferched yn Ewrop yn ystod y 18fed ganrif. Ond mae’n aneglur pam ei bod wedi goroesi i’r 19eg ganrif yng Nghymru.
Yr elfennau mwyaf nodedig, erbyn 1840, oedd y betgwn a het uchel blwsh o silc. Mae dau fath wahanol o fetgwn - siaced syml siâp T, a wnaed o linwlanen neu gotwm a welid yn arferol yng ngogledd a de ddwyrain Cymru, a gwˆn deilwredig, o frethyn cartref a gwlanen resog, a welid yn y de-orllewin. Daeth yr olaf, ynghyd a’r het Gymreig, i gael eu hadnabod fel gwisg genedlaethol Cymru ond ni wisgwyd mohoni ond gan nifer fach o ferched.

Mae’r arddangosfa yma yn ymchwilio i hanes a datblygiad y wisg Gymreig o’i tharddiad hyd at heddiw.

Cynhaliwyd yr arddangosfa hon yn Llyfrgell Gendlathol Cymru rhwng 21 Mehefin a 4 Hydref 2008.