Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
“Beth mae Rygbi yn ei olygu i mi?”
Mae rygbi wedi bod yn rhan annatod o ’mywyd i. Chwarae i Gymru yw uchafbwynt fy ngyrfa, a dwi wedi cael profiadau anhygoel gyda fy nhîm, fel y fuddugoliaeth ddiweddar dros Loegr yng nghystadleuaeth y Chwe Gwlad. Dwi’n cefnogi rygbi menywod a rygbi dynion. I ni Gymry, mae e yn y gwaed.
Rachel Taylor, Capten Tîm Menywod
Cymru/Current Wales Women Captain
Rygbi Menywod Cymru URC/Wales Women’s Rugby WRU
Dwi wedi bod yn chwarae rygbi ers dau dymor ac wedi mwynhau pob eiliad. Mae’n ffordd wych o gadw’n heini ac iach, ac mae llawer o fanteision cymdeithasol hefyd, fel gwneud ffrindiau newydd a chreu teulu. Mae rygbi wedi ehangu fy ngorwelion drwy roi cyfle i fi chwarae ar lefel ranbarthol a chenedlaethol. Mae’n gêm arbennig a dwi’n gobeithio y galla i barhau i’w datblygu mewn gyrfa ym maes chwaraeon..
Jo Williamsr, Rygbi Menywod Cymru URC/Wales Women’s Rugby WRU
Allwch chi ddychmygu gwisgo crys Cymru am y tro cyntaf i gynrychioli’ch gwlad? Wnes i erioed feddwl bod y fath beth yn bosibl nes i fi gael y cyfle hwn. Dwi’n berson newydd ers y diwrnod hwnnw, a ddim yn teimlo bod methu clywed yn gallu tanseilio fy hyder i bellach.
Jack Tugwell, Undeb Rygbi Byddar Cymru/Wales Deaf Rugby
Rygbi yw fy hoff beth i yn y byd, dwi’n caru rygbi ond dwi’n caru bod yn gapten hefyd a dal y tîm at ei gilydd, helpu pawb i ganolbwyntio pan fyddwn ni’n chwarae timau brwnt ac ennill gemau. Dwi’n caru pa mor falch fyddwn ni wrth gamu i’r cae a gadael gyda’n gilydd.
Alex Elizabeth Evans, (8.5 oed/years old)
Does dim byd tebyg i gyffro a brawdoliaeth Rygbi; o’r peint ar ôl ymarfer i’r cylch o chwaraewyr cyn y gic gyntaf ar ddydd Sadwrn. Mae gan chwaraewyr
a chefnogwyr rygbi hiwmor unigryw. Dyna un o’r rhesymau pam mae cefnogwyr timau gwahanol yn gallu sefyll gyda’i gilydd – yn wahanol i bêldroed.
Dwi bron yn 45 oed a pobl yn dweud dylen i ymddwyn fy oedran ac ymddeol – dim gobaith! Dim tra bod fy nghoesau a ’mreichiau’n dal i
symud! Dwi wedi dwlu ar rygbi ers yn blentyn, a dwi’n gobeithio bydd fy meibion yn rhannu’r un brwdfrydedd am y gêm – dim pwysau!
Jeremy Bull, Clwb Rygbi Llewod Caerdydd/The Cardiff Lions RFC Clwb Rygbi Hoyw-gyfeillgar / Gay-friendly RFC
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw