Dwy oes aur

Degawd cyntaf yr ugeinfed ganrif oedd oes aur gyntaf Rygbi Cymru, ac enillwyd pum Coron Driphlyg a dwy Gamp Lawn. Prin oedd llwyddiant y
tîm ar ôl y Rhyfel Mawr wrth i ddirwasgiad economaidd sigo calon ddiwydiannol y De.

Daeth eto haul ar fryn, ac wedi i ddatblygiad pellach gynyddu maint y stadiwm i 50,000 a mwy, gwelwyd ail fuddugoliaeth dros y Crysau Duon
ym 1935, o 13-12.

Difrodwyd y cae ac eisteddle’r gogledd gan ffrwydryn yn ystod y Blitz, ond fe atgyweiriwyd y stadiwm mewn pryd ar gyfer Camp Lawn 1950 a 1952 a buddugoliaeth arall dros Seland Newydd ym 1953.

Erbyn diwedd y 1950au roedd yr hen stadiwm yn dangos ei hoed a mwy o ddwˆ r ar y cae nag o borfa. Daeth Undeb Rygbi Cymru yn berchnogion
newydd, gan ddatblygu maes cenedlaethol o 60,000 o seddi fu'n dyst i oes aur Cymru y 1970au.

Troad y Mileniwm

Daeth gwawr rygbi proffesiynol ym 1995 â phwysau masnachol, a sylweddolodd Undeb Rygbi Cymru bod yn rhaid datblygu’r maes drachefn. Agorwyd Stadiwm y Mileniwm ar gyfer Cwpan Rygbi’r Byd 1999.

Mae heddiw yn stadiwm fodern, ryngwladol gyda chyfleusterau rhagorol a tho sy’n cau i greu pair o awyrgylch – awyrgylch sy’n cydio’n y brifddinas gyfan o’r lleoliad yng nghalon Caerdydd.