Croeso De Affrica

Oherwydd apartheid roedd De Affrica wedi eu gwahardd o rygbi rhyngwladol tan 1992, ac yn absennol o’r ddau Gwpan Byd cyntaf. Wrth gymryd rhan am y tro cyntaf ym 1995, ‘Gwlad yr Enfys’ hefyd oedd yn llwyfannu’r twrnamaint. Gydag apartheid yn y gorffennol, roedd yn gystadleuaeth gofiadwy wrth i Dde Affrica gipio’r tlws ar eu tomen eu hunain, dan lygaid Nelson Mandela.
Dyma’r twrnamaint hefyd a gyflwynodd Jonah Lomu i’r byd fel seren newydd y Crysau Duon. Aeth y Rownd Derfynol ar Barc Ellis yn Johannesburg i amser ychwanegol, gyda De Affrica yn curo Seland Newydd diolch i gôl adlam Joel Stransky. Roedd yn ddiweddglo hanesyddol wrth i’r Arlywydd Mandela, mewn crys a chap y Springboks, gyflwyno tlws Webb Ellis i Francois Pienaar.

Ym mis Awst 1995 gwnaeth yr IRB y penderfyniad pwysig o ganiatáu i chwaraewyr ennill arian wrth chwarae’r gêm. Roedd Rygbi’r Undeb bellach yn gêm broffesiynol.