Cyn dyfodiad trydan roedd nifer o wahanol ffyrdd o smwddio. Câi'r haearn 'sad' neu 'fflat' ei dwymo ar y tân neu'r popty. Slyg o fetel wedi ei dwymo ymlaen llaw, neu lwmp o siercol gwinias oedd yr haearn bocs. Byddai heyrn nwy'n gysylltiedig a thiwb rwber i fantl nwy. Roedd heyrn wedi eu twymo a gwirod neu betrol i'w cael hefyd er eu bod ychydig yn ddrutach. Y broblem fwyaf gyda'r heyrn didrydan cynnar yma oedd eu bod yn fudr a'i bod yn anodd rheoli'r tymheredd yn aml. Byddai llawer o amser yn cael ei wastraffu'n eu twymo i'r tymheredd iawn.