Fe ddaethpwyd o hyd i'r ddogfen yma wedi ei chuddio o dan y llawr yn Nantclwyd y Dre yn y 1930au, ac mae'n cofnodi arhosiad John a Gwerful Holland mewn hosbis grefyddol yn Rhufain wedi iddyn nhw fynd ar bererindod yno. Fe fu tair cenhedlaeth o deulu Holland yn byw yn Nantclwyd y Dre rhwng 1491 a 1571. Credir y gallai disgynyddion John a Gwerful fod wedi cuddio'r ddogfen yn y tŷ pan oedd Pabyddiaeth yn cael ei erlid drwy gyfraith.