Roedd Edward Morland Lewis (1903-43) yn arlunydd tirluniau yn bennaf, ac roedd yn bur llwyddiannus yn ei ddydd. Cafodd ei eni yng Nghaerfyrddin, yn fab ieuengaf i Benjamin Archibald Lewis. Roedd ei dad yn arlunydd medrus a arddangosodd yn eang. Derbyniodd Morland ei addysg yn Ysgol Ramadeg y Frenhines Elizabeth, Caerfyrddin, ac wedi hynny aeth i Ysgol Gelf Caerfyrddin. Ymunodd ag Ysgolion yr Academi Frenhinol ym 1924. Erbyn 1926 roedd yr arlunydd ifanc yn gweithio fel un o gynorthwywyr Walter Richard Sicket ac fe gafodd yr arlunydd oedrannus hwn ddylanwad mawr ar waith cynnar Lewis. Mae'n bosibl iddo lunio'r astudiaeth hon o dri phen ar gyfer 'The Bandstand', llun a beintiodd sawl fersiwn ohono gan arddangos un fersiwn ym 1931. Olew ar gynfas. Mesuriadau: 30.5cm x 40.2cm.