Ffilm a gynhyrchwyd fel rhan o fenter Treftadaeth Hwb i Arloeswyr Canolbarth Cymru.

Mae'r ffilm hon yn edrych ar fywyd Syr Pryce Jones (1834-1920), arloeswr y busnes archebu post rhyngwladol cyntaf.

“Mae'n ddyn o bobl ei dref enedigol, daeth ei enw yn nod masnach i'r Drenewydd, a'i ffabrigau gwlân Cymreig yn teithio dramor mewn miloedd o barseli ar y ffordd, y rheilffordd a'r môr o amgylch y byd.”

Ymhlith ei gwsmeriaid ffyddlon a brenhinol roedd y Frenhines Victoria a'i hurddwyd yn farchog ym 1887 am ei wasanaethau i fasnach.

Ganwyd Pryce Jones yn Llanllwchaearn, y Drenewydd ym 1934, daeth yn brentis i siop ddillad Mr Davies yn Broad Street. Gan ddod yn rheolwr a thrwy gaffael cyflenwadau lleol, yn fuan cafodd yr uchelgais i agor ei siop ddillad ei hun yn Broad Street ym 1859. Pan briododd â'i gariad Eleanor, roeddent yn byw uwchben y siop.

Ar 3ydd Hydref 1859 y postiodd ei samplau cyntaf o flanel drwy'r post ceiniog at ei gwsmeriaid ffyddlon, gan sylweddoli'r potensial o dargedu ei gwsmeriaid y tu allan i'r Drenewydd.

Ar ôl mynychu arddangosfeydd yn y DU, Ewrop ac yn rhyngwladol, adeiladodd enw da yn rhyngwladol gan wasanaethu Teuluoedd Brenhinol o amgylch yr Ymerodraeth Brydeinig.

Ugain mlynedd yn ddiweddarach ar 3ydd Hydref 1879 agorodd Warws Brenhinol Cymru Pryce Jones wrth ymyl Gorsaf Reilffordd y Drenewydd a oedd yn allweddol wrth gyflwyno ei fusnes manwerthu rhyngwladol a siopa cartref archebu post modern ledled y byd.