Ym mis Mehefin 1933, daliodd John Lovell, Mountain Street, Caernarfon, a'i griw o dri, un o'r dalfeydd eog mwyaf yn Afon Menai. Roeddynt yn pysgota gyda rhwyd yn gynnar yn y bore ger y baddondai cyhoeddus pan fuont yn ddigon lwcus i ddal 41 o eogiaid, yn pwyso tua 700 pwys. Oherwydd bod y dŵr mor isel yn Afon Seiont, roedd nifer fawr o eogiaid, yn pwyso bron i 1,500 pwys, yn ystod y tymor pysgota hwnnw.

Credir bod John Lovell a'i griw wedi torri record a osodwyd dros 40 mlynedd yn gynt, pan lwyddodd pysgotwyr y cwch 'Salvation' i ddal tua 500-600 pwys o eogiaid ar un tro.