Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Ganwyd Percival Thomas Edwin Rees yn India i deulu o filwyr tua 1885, a dengys cyfrifiad 1901 ei fod yn siarad Cymraeg, Saesneg a dwy o ieithoedd India. Roedd yn byw yng Ngwaelod y Garth, ger Ffynnon Taf, ac ymunodd â'r Gatrawd Gymreig ar 28 Rhagfyr 1914. Am nad oedd yn ddigon tal i ymuno â'r fyddin sefydlog (5' 4") ymunodd ag 'uned bantam' Bataliwn 17. Fe'i dyrchafwyd yn sarjant a bu'n gwasanaethu yn Ffrainc o Fehefin 1916, gan ennill y Military Medal am ei ddewrder yn Bourlon Wood (rhan o Frwydr Camrai) yn Nhachwedd 1917. Ym 1955 soniodd wrth ohebydd am y digwyddiad: "Our battalion was heavily outnumbered and running out of ammunition, so they gave me the medal for going back to bring us some more". Y mae'r gyfres hon o gardiau post yn olrhain gyrfa milwrol Percy yn Ffrainc o Awst 1916, pan oedd yn Loos, tan ddiwedd y flwyddyn. Mae'r cardiau yn dangos mannau yng ngogledd Ffrainc megis Equihen, Houchin, Bruay a Beauval.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw