Er ei fod yn enwog fel Cymro, fe anwyd David Lloyd George, Prif Weinidog Prydain o Ragfyr 1916 ymlaen, ym Manceinion. Mae'n ddealladwy, felly, bod Cymry Manceinion yn awyddus i'w anrhydeddu, fel y gwnaethpwyd yn Neuadd Albert y ddinas ar 12 Medi 1918. Teitl y digwyddiad hwn oedd 'Anerchiad Croesaw Cymry Manceinion i'r Gwir Anrhydeddus D. Lloyd George', ac roedd y rhaglen yn cynnwys cymysgedd o areithiau ac emynau, yn cael eu coroni trwy ganu 'Hen Wlad fy Nhadau'.