Mae'r ddelw hon o Meurig ab Ynyr Fychan yn gorwedd yn eglwys y Santes Fair, Dolgellau. Roedd Meurig ab Ynyr Fychan yn ddisgynnydd i deuluoedd Nannau a Hengwrt. Gwasanaethodd fel rhaglaw cwmwd Tal-y-bont, Sir Feirionnydd, rhwng 1332 a tua 1339/40, gan ddilyn yn ôl traed ei dad, Ynyr Fychan. Honnai Ynyr Fychan mai ef oedd yn gyfrifol am ddal Madog ap Llywelyn ym 1295. Mae'r arysgrifen o amgylch y darian yn darllen fel a ganlyn: 'HIC IACET / MEVRIC FILIVS / YNYR UYCHAN ('Yn y fan hon gorwedda Meurig ap Ynyr Fychan'.)
Ffynhonnell: Andrew Davidson, 'Parish Churches' yn J. Beverley Smith a Llinos Beverley Smith (goln.), 'History of Merioneth Volume II - The Middle Ages' (Cardiff, 2001), tt. 337-8.