Mae'n debygol fod y sarsiantiaid a swyddogion hyn yn aelodau o Drên 38fed Adran Corfflu'r Fyddin Gymreig. Yr unig filwr yn y llun a wyddys amdano yw Sgt John Rees Owen sy'n sefyll ar y dde yn y rhes gefn. Ganed Owen yng Nghwm Rhondda ym 1884 a symudodd i Aberdâr pan oedd yn blentyn. Yno cafodd ei ardystio ar 20 Ma 1902 ac ymunodd âr Gwŷr Meirch. Yn ddiweddarach aeth i'r Hwsariaid Brenhinol (14fed) ac ymunodd â'i fintai yn y Curragh, Iwerddon, ar 31 Mai 1902. Pan ddechreuodd y Rhyfel Byd Cyntaf, ymrestrodd yn Aberdâr ar 21 Medi 1915. Dechreuodd wasanaethu gyda 38fed Adran (T4/109280) ar 31 Mai 1915 ac roedd yn Ffrainc rhwng 4 Rhagfyr 1915 ac 26 Hydref 1917. Yn ystod y cyfnod hwn, roedd y trên yn cario cyflenwadau i'r Adran yn ystod yr ymladd yn Mametz Wood, Somme, ym mis Gorffennaf 1916 a Pilckem Ridgear ddiwedd Gorffennaf 1917. Aeth Owen at yr Ambiwlans Maes gyda'r ffliw/emffysema ar 27 Awst 1917 ac fe gafodd ei anfon i Loegr yn glaf ar ddiwedd Hydref 1917. Cafodd ei ryddhau o'r fyddin ar 3 Rhagfyr 1918 a'i drosglwyddo i'r Fyddin wrth Gefn.