Mae'r llythyr yn croesawu Preifat David Richard Williams (21/01/1899 - 23/07/1987) adref wedi iddo dreulio tair blynedd yn garcharor rhyfel. Roedd David Richard yn 16 oed pan ymunodd â'r fyddin ac yn ystod ei gaethiwed fe wnaeth esgidiau i fyddin yr Almaen. Byddai'n defnyddio llai o hoelion nag oedd angen yn bwrpasol er mwyn cynhyrchu esgidiau o ansawdd isel. Pan ddychwelodd adref fe weithiodd mewn ffatri jam ac mewn siop.