Dyma blatŵn o filwyr Ffiwsilwyr Brenhinol Cymreig y tu allan i gwt 19 yng ngwersyll hyfforddi Kinmel, Bodelwyddan. Eu prif swyddog oedd Ail Is-gapten Robert Vernon Carter Williams, sydd i'w weld ynghanol y rhes flaen yn dal ffon. Derbyniodd Williams gomisiwn Ail Is-gapten tra oedd yn Ffrainc a dychwelodd i Gymru i gael hyfforddiant yn Kinmel rhwng 5 Mawrth a 25 Gorffennaf 1916, cyn iddo gael ei anfon i Iwerddon tan 1919.